الاثنين، 27 أكتوبر 2008
سوالف شخبطة
شخبطة 1
مرحبا يا حلوين
شوفوا الله يسلمكم اليوم وانا بالدوام كانت طاااقة جبدي رحت حق خويتنا اللي يمي
قلت اطق حجي وياها
عاد انا ماعندي منا ولا منا على طول سولفت وسولفت لمن شكلي صدعت راسها
قالت لي
سارة بسالج ؟ ماتملين من الهذره
كل اشوي ياتقولين نكتة يا تعلمين باخر خسارتج في الاسهم ؟
تبون الجد اخنقتني العبرة وبغيت ابجي بس مسكت روحي
ابتسمت في وجها وش تبيني اسوي اجل اقعد اصيح على حظي ولا اقطع بصل وخضرة على طاولة المكتب
يعني اسرع لي عشان ارجع وازهب الغداء ... الله يعافيج اتبسمي لا تصيرن طايحة حظ
قالت
ههههههههههههههه الله يقطع بليسج ماتيوزين
الحين بخليج تزعلين خليتني اضحك
قلت لها
وش ورانا خلينا نضحك احسن لنا من عوار القلب وفكر يودي يمين ويجيب يسار
قالت
تبين الصراحة سمعت ان اللي كل يضحك ومبتسم وراه هم
تصدقون حسيت انها جكتني مع اني واثقة ان ابتسامتي من قلب
قمت من عندها وانا مزاجي مخترب حبتين
رحت للبيت حطيت راسي ودقيتها نومة يوم صحيت نزلت لقيت امي وابوي قاعدين سلمت وانا مبتسمه
بس بنجر ويهي بعدها هههههههه تذكرت كلامها
عاد لمن الحين منعفس ويهي
اش رايكم كلامها صح ؟
الاشتراك في:
تعليقات الرسالة (Atom)
هناك 4 تعليقات:
.
هلا وغلا
عيل مسوية المدونة عشاني متى قلت لج أنا صج تتبلين *^
<<< من قلب يالله ترفع شانها
أحلا شيء يوم قلتِ لها أقطع بصل وخضرة اسرع للغداء ههههههههههههههههه
اللي يسمعج كل يوم بالمطبخ أنتِ حتى القهوة ماتسوينها
بس تصدقين كلام خوتيج ميه ميه صوح
أحسّ أنَّ فيج شيء فديت قليبج ..
الصّراحة حلوة ابتسامتج
بصورها وحطها هنيّا :)
بوسه على خدج
.
ههههههه
أحسن شي الضحك اذا كنتي مهمومه
فيه ناس تفرغ همومها بالضحك
وناس بالصياح
وناس بالكتابه..
الأول والأخير نستمتع فيهم
بس أنصحك بالضحك..
بصراحه مدون شي..
ومن خبال الى خبال ازود بإذن الله..
.......>يمون بسرعه عاللي مثله
كل التوفيق لك ويبعد عنك الهموم يارب
وعادي تقطعين بصل شي طبيعي وش الغريب .....>إبتسامه صفراء
شوكران عالروح المرحه
هلا فيج ريومتي
عيل من قالي سوي المدونه ؟
مو يوم اقولج مابي احد يسرق ايميلي قلتي اعطيج ايميلي القديم قولي ما قلتي بعد ؟
أدري كل شيء اقوله بس عادي ماكو الا انا وانتي والفضايح ههههههه
شوفي صج اني مادخل المطبخ واااايد بس لازم اسير عليه اشرب ماي على الاقل يعني انا سويت انجاز خخخخ
تشوفين ان كلامها صح والله يمكن بس ماعليج ماارح اسمع حجيها بضحك وش وراي والله ويهي يحكني لو ما اضحك ههههههه
ولج بوسه ياقمر
حياك مهايطي
شوف عاد الضحك عندي مهم ومثل ماقلت لريم ويهي يحكني لو ما اضحك
وبالنسبة للخبال بتشوف كل انواعه مع محدثتك هههه
حياك الله والله يوفقنا وياك والمسلمين أجمعين
إرسال تعليق