شخبطه 4

فيني احباط مو طبيعي هههه بس عادي تعودت على الاحباط اصلا لو ما يجيني يمكن فيني حاله نفسيه ههههههه
عاد الله يسلمكم اليوم رحت الصاله لقيت اختي تعلم امي عن وحده من بنات رفيجاتها تقول انها تزوجت سالتها من هي ؟
قالت فلانه بنت فلان !! استغربت صراحه هنتفه تزوجت ؟ خبري فيها قبل كم سنه تحبي هههههه لا من صج توها صغيره يعني عمرها بحول 16 سنه
عاد انا سويت فيها مستحمقه بقوه ليش وليش ؟ قالت اوخيتي ان ام البنت لها سنتين ونص منفصله عن زوجها وهي ضايعه بين زوجه ابوها وبيت يدها من امها
ابوها جاب لها ريل وزوجوها يبون الفكه احس اني بمجتمع متخلف
هذا سبب كمل علي يومي على الاحباط

قعدت عندهم شوي بعدين طلعت داري فتحت النت شوي لقيت ثنتين شابكين بربرنا عن كل شيئ بعدها بنص ساعه وزود
نادتني امي وتغديت رحت لقمرهم أشوفها لقيتها مجفيه على كتابها فديت قلبها تحب الدراسه ماطلعت علي هههه
عاد قلت لها عفيه عليج خليج جذي قالت لي ابيج كل تفتخرين فيني وتقولين لي كفو
ياقلبي والله بتخليني اصيح الحين : كفو عليج مليون

رجعت داري جاني بليس الله يلعنه ههههههه
فكر يوديني وفكر ييبني الناس ليش تدخل في حياتنا ؟ كل ياكلون فينا ومايخلون عذروب مايحطونه وكل يرشون بهار هندي على الاخبار
مادري بس احس ان غايتهم اصعب من كلمه تطنيش

على سبيل المثال
يوم حملت في بنتي وحده بالسانها تقول للوالده مو تو الناس على الحمال توها مالها إلا شهر ليكون حامل قبل العرس هههههههههههه
وبنت عمي لها الحين سبع شهور وزود تقول وحده لاختها اللي اهي بنت عمي الثانية ما حملت اختك ؟ قالت لها لا قالت ياختي خل يروحون يشوفون لهم صرفه يمكن فيهم شيئ
ووحده من رفيجاتي تتكلم عن وحده من معارفها تقول ان عندها ولد عمره 9 سنين وكلن يقول لها غريبه ماحملت ليكون اعجرت




؟؟؟؟؟؟؟؟؟؟؟

صج غاية لا تدرك
زاد احباطي

شخبطة 3

اليوم موضوعي عن سيارتي الله يأخذ العدو حدي منقهره

قبل اسبوعين وديتها الكراج كانت تطلع صوت ؟ خير إن شاء الله
شيكوا عليها ما فيها شيء وقبل يومين وانا امشي بسلام وادعي ربي اني ماتاخر على الدوام ومايجي ابو كرعوب اللي اهو مديرنا
اسمع السيارة تسوي تش توش تاش مثل اي يي ااهه اووو المهم هي جذي جايه ههههههههه
سفطت على جنب وقلت بشيك عليها عاد انا كلش مالي بهالسوالف دقيت على ابوي مارفع التيلفون
دقيت على ولد اخوي يقول بدوام بس اكلم لج احد يجيج انتظرت شويه
الا وقفت سيارة فيها بنت اخر شياكة عادر تعرفوون البنات هالايام فيهم حالة مصروعة مع الكشخه يغارون من اليسا وهيفا ههههههههههه قالت لي خير يا اختي عندج مشكله قلت لها المشكله شمرت عن ذرعانها وقالت خليني اشوف
وانا مصدومه قلت لها مايحتاج حبيبتي الحين بيجي احد يشوفها
قالت وش دعوى خليني اشوفها وانتي اكيد وراج داوم خليني اشوفها
قلت وانا في حاله صدمه اكبر لا يالغلا حرام تخربين كشختك
قالت ماعليج هذا مجال عملي عادي متعوده ؟؟
متعوده ؟؟
وربي افتر راسي الحين بنت هذا مجال عملها وش خلت لشباب ؟
بس والله ما قصرت عقب تشمر هالذرعان هههههههههه وعفست روحها بس من جد ماقصرت
قبل ماتخلص جاء اللي موصي ولد اخوي عليه ومشى لي الموضوع مع مساعدتها فديتها
شكرتها بقوة
وسألت نفسي مئه مره في بنت تتخصص ميكانيك ؟
والله مو عيب في الشغل بس وظيفة صعبه ؟

شخبطة 2

.
اليوم بالدوام دقت علي اختي تقول انها تعبانه اشوي
حامل الله يسهل عليها طلبت مني اذا اقدر استأذن عشان اجيب ولدها من الحضانه لانها تخاف تتاخر عاد انا ماصدقت جات من الله استاذن بعد ماشرحت الموضوع للمسؤول عن القسم رحت وخذته قبل موعد الخروج وانهبل هو من الفرح كل انواع التعبير عن الشعور كل وجهي وهو يحبني ماباقي الا يعض سيت السيارة ههههههه

قالي خالتو تدرين اني صرت رجال
قلت له من زمان انت رجال شوف عندك عضلات
قالي لا لاني قاعد جدام ؛امي ماترضى اقعد جنبها قدام
ابتمست في ويهه فديتك كل مرة بتركب معاي بخليك يمي
استانس وااايد , الاطفال حتى الاشياء اللي نشوفها بسيطة تفرحهم

وصلت البيت مالقيت احد امي رايحة بيت الجيران تشرب جاي الضحى وابوي مادري وين بدلت اهدومي ونزلت حق اخينا مشعل دورته مني مناك مالقيته طلعت برا الحديقة شفته يلعب توني بدخل الا صرخ صرخة طول بعرض
خرعني الله يخرع بليسه رحت له اشو شنو فيه شفته جنى البخت مافيه ولا شيء
سالته تحس بشيء شي يعورك ؟ مارد علي
طيب وش فيك تصرخ قال ضرسي يعورني
خليته يوريني ضرسه كان واضح انه بيطيح تعبت وانا اسكت فيه
هو يعورك ؟
قال لا مايعور ؛ شكله خايف
طيب قوم نلعب القطو والفار ههههههههههههههههه المهم ابيه يسكت
مارضى قلت له انت ماتسمع الحجي كل تصيح تصيح
شوف سوبرمان يسمع الحجي عاد اهو سوبرمان عنده قدوه هههههه ولا يرضى احد يغلط عليه
اذا تبون تحترق اعصابه غلطو عليه بس لا تغلطون على سوبرمان هههههههههه
ماجيكم بالطويلة
قلت له بصورك طلعت جوال من مخبتي وجلست اصوره وهو يصيح يصيح
وزاد يوم صورته قالي جيبي الجوال لا تصوريني وانا ماعطيته وجه وقلت اذا تبي الصور الحق وراي ههههههه
ولحق وراي انا اركض وهو يركض لمن طاح على ويهه
تدرون شنو المفاجئة لقيت سنه طاااح
ههههههههههههههههههههههه قعدت اضحك واصوره
وهو زاد صياح جات امه وهو مابرح يصيح
احلفت على اذونها ماتعطيني اياه مرة ثانية
وقبل مايطلع قلت له تعال كل يوم قال لا الحين بيطيح سني الثاني بسبج
قلت له بركبك جدام يمي
باس خدي وقال بعد تخليني اسوق ؟
قلت له ابشر ههههههههههههههههه هالنتفه يبي يسوق وش خلا للمراهقين ؟

واحس الحين اني تعبانة وفيني نوم
يالله اشوفكم على خير واعلمكم اخر اخبار الفارس سوبرمان هههههههه

سوالف شخبطة

شخبطة 1





مرحبا يا حلوين
شوفوا الله يسلمكم اليوم وانا بالدوام كانت طاااقة جبدي رحت حق خويتنا اللي يمي
قلت اطق حجي وياها
عاد انا ماعندي منا ولا منا على طول سولفت وسولفت لمن شكلي صدعت راسها
قالت لي
سارة بسالج ؟ ماتملين من الهذره
كل اشوي ياتقولين نكتة يا تعلمين باخر خسارتج في الاسهم ؟
تبون الجد اخنقتني العبرة وبغيت ابجي بس مسكت روحي
ابتسمت في وجها وش تبيني اسوي اجل اقعد اصيح على حظي ولا اقطع بصل وخضرة على طاولة المكتب
يعني اسرع لي عشان ارجع وازهب الغداء ... الله يعافيج اتبسمي لا تصيرن طايحة حظ
قالت
ههههههههههههههه الله يقطع بليسج ماتيوزين
الحين بخليج تزعلين خليتني اضحك
قلت لها
وش ورانا خلينا نضحك احسن لنا من عوار القلب وفكر يودي يمين ويجيب يسار
قالت
تبين الصراحة سمعت ان اللي كل يضحك ومبتسم وراه هم
تصدقون حسيت انها جكتني مع اني واثقة ان ابتسامتي من قلب
قمت من عندها وانا مزاجي مخترب حبتين

رحت للبيت حطيت راسي ودقيتها نومة يوم صحيت نزلت لقيت امي وابوي قاعدين سلمت وانا مبتسمه
بس بنجر ويهي بعدها هههههههه تذكرت كلامها

عاد لمن الحين منعفس ويهي
اش رايكم كلامها صح ؟

حياكم

يالله تحييهم وتبقيهم

الله يسلمكم قبل ثلاثة ايام اختنا في لله ريومتي طلبت مني اسوي مدونة
عاد انا كل شيء ولا ارفض لها طلب

قلنا نفتحها وش ورانا
عاد انا عندي هذره وايد بعبر فيها بشاخبيطي



عموما حياكم ربي وقلبي